www.Schwerteln.de : Quellen.Danzig1452-Teil2 Letzte Änderung: August 13, 2007, at 02:54 PM

Danzig 1452, Teil 2
Letzte Änderung: August 13, 2007, at 02:54 PM von Elmar

Weitere Inhalte stehen möglicherweise nur für eingeloggte Benutzer zur Verfügung.

  • Einordnung: Quelle
  • Quelle: Wikisource
  • Autor: Peter von Danzig, ca. 1452
  • Transkription: Grzegorz Zabinski, Stefan Dieke

foll. 73-86: Andes Lignitzer

73r

Hie hebt sich an Maister Andres kunst genant der Lignitzer dem got genadig sey Das kurtz swert zw gewappenter hant zu° geleichter ritterlicher were

Item nÿm das swert mit der rechten hant peÿ dem pint / und mit der lincken greif mitten in die klingen / und gee vast in man / So mues er stechen oder slahen / Doch kum vor pis rasch greif förcklich und pleib nahent -

Das erst stuck

Item stich ym inwendig zw seine~ gesicht wert er dir das / So var durch und setz ym außwendig in sein gesicht / wert er dir das fürpas / und streicht dir den ort also ab so wind mit deinem knopf ym uber sein rechte achsel / und spring mit dem rechten pain hinder sein lincks / und wirf yn vber ruck -

Der wider pruch

Item wer dir das tu°t und hat dir den knopf an den hals geworfen / So var mit der lincken hant von vnden auf zwischen seinen paiden arm~ / und begreif yn pey seine~ rechten arm~ / und swing dich deñ von ym auf dein rechte seitten / und würff In "vber die hüf -

Aber ein pruch auf das erst stuck

73v

Item wenn er dir den knopf vmb den hals wil werfen / So greiff mit der linckñ hant von dir / und greiff hinder sein recht hand an das pint vnd nym den knopf / und zeuch den vndersich / vnd setz ym mit deinem swert an wo du wild

Ein pruch da wider den pruch

Item wenn er dir knopf begriffen hat / So wind mit deinem knopf von vnden auf auswendig vmb sein lincke hant / vnd schreit mit deinem rechten pain für dich / vnd stos ÿn mit deiner klingen an sein lincken arm~ -

Das ander stuck

Item stich ym aber den ersten stich zw seinem gesicht / vnd thu°e zw dem anderñ mal als du ym aber Inwendig zw seinem gesicht wöllest stechen / jnndes var durch / und setz ym auswendig zw° seinem gesicht an wenn er dir das wert / So schreit mit deinem rechten pain hinder sein lincks / vnd stoss im mit dem gehültz in sein lincke vchsen / vnd stos ein wenig vber sich so vellt er -

Der wider pruch

Item wer dir das tu°t / So schreit mit deinem lincken pain hinder dich / und vach den stos zwischen dein paide hende in die klingen / und wind mit dem knopf von vnden auf zwyschen sein paide

74r

arm~ / vnd wind mit deine~ knopf von vnden auf vber sein lincke hant / vnd spring mit deine~ lincken pain hinder sein rechtz / vnd stos ym paide swert vber sein hals / So hastu ym dem ruck an gewunnen -

Ein wider pruch wider den

Item wer dir paide swert über den hals wil stossen / So stee freÿleich still mit deinem rechten pain / vnd lass dein swert faren peÿ dem pind / und greif mit deinem rechten arm hinden vmn seinen ruck / vnd zuck yn peÿ der mitt / So wurfstu in an zweifel. -

Das dritt stuck

Item stich ÿm aber Inwendig zu seinem gesicht / vnd var in dem anderñ stich durch / vnd stich ym auswendig zw dem gesicht / wert er dir das aber / So schreit mit dem lincken pain zwischen seine paide / und greif mit deinem knopff aussen über sein lincks pain in sein knÿepüg / vnd leg dich mit der lincken achsel oben fast in ÿn / vnd heb vnden fast auf / vnd druck auf sein lincke seitten -

Der widerpruch

Item wer dir mit dem chnopf wil varen in die knÿepüg dem greif mit deiner lincken hant hinder sein lincke hant peÿ dem arm / vnd greif mit dein rechtñ

74v

rechten hant von vnden auf ÿm an den elpogen / vnd das dein vinger oben ste / vnd würf ÿn auf das maul -

Das viert stuck

Item wenn du jm Inwendig zw dem gesicht stichest / vnd er dir wider / So sl[ac]h eben auf sein swert / vnd begreiff sein swert peÿ der Klingen in die hant vnd setz im den ort an vnder sein lincke vchsen / Wert er dir das / vnd begreifft dir Dein swert auch als dw das sein hast / So arbait aus einem reissen als geschriben stet aus wellichem du wils

Das erst reissen

Item strich ÿm Inwendig zw dem gesicht / Wert er dir das / vnd setzt dir den stich ab / So wind mit deine~ Knopf von vnden auf auf dein lincke seittñ / vnd oben vber sein sein swerts klingen zwischen sein paide hend / vnd reis vast an dich / So reistu im sein lincke hant von der klingen / So stich ÿm denn zw dem gemächt / Ist er dir zw starck das dw jm die hant von dem swert nicht gereissen magst / So wind mit deinem knopf aber von vnden auf auf dein rechte seittñ vber sein lincke hant / vnd stos im mit der Klingen in sein lincke seitten von dir -

Das ander reÿssen

Item stich ÿm Inwendig zu° seinem ge

75r

sicht / vnd wind aber mit dem knopf auff dein lincke seitten von vnden auf uber sein klingen zwischen seiner hant reÿs aber vast an dich / vnd stich ÿm aber zu° seinem gemäch / wert er dir das vnd vecht dir das swert / vnd dw das sein das paide swert gefangen sein / So würff dein swert mit dem knopf ÿm in sein rechte seitten / vnd spring mit deinem rechten pain hinder sein lincks / vnd nÿm den ruck / vnd heb im deñ eines zwerchen fingers hoch von der erden / und slach in mit deinem recht fuess auswenig an sein rechten enckel / vnd wirff in auf sein rechte seitten -

Das dritt reÿssen

Item thue ÿm geleich als oben geschriben stet / vnd ob paide swert gefangen wäreñ / So würf ÿm aber den knopf in sein rechte seitten / vnd spring mit dem rechten pain hinder sein lincks / vnd greiff in mit deiner rechten hant ÿn peÿ seine~ lincken arspacken / vnd greiff mit deiner lincken hant von vnden auf ÿm an seinen kinpacken / vnd zeuch vnden an dich / vnd stos oben von dir / So felt er an den ruck

Der widerpruch

Item wer dir mit der lincken hannt vert vnder den kinpacken / vnd dich

75v

mit seiner rechten hant peÿ dem lincken arspacken hat / vnd wil dich vber ruck werffen / So greif mit deiner lincken hant ÿm auf sein lincke / vnd begreif ÿn peÿ den fingern / vnd prich im die hant auf dein lincke seitten / vdn var mit deiner rechtñ hant an sein lincken elpogen / vnd nÿm im das gewicht.

Das vierd reÿssen

Item ist das aber paider swert gefangen sein / So würf ÿm aber Deinen knopf in sein rechte seitten / vnd spring jm mit dem rechten pain hinder sein lincks / vnd begreif in mit deiner lincken hant hinder seiner lincken hant peÿ dem arm / vne greif mit deiner rechten hant in peÿ seinem elpogen vnd nÿm das gewicht - -

Das fünfft reÿssen

Item / wenn er dir dein swert gefangen hat / vnd du das sein / So gee durch paidew swert auf dein lincke seittñ / So windestu ÿm sein swert aus das er dir das lassen mues / Helt er denn sein swert vnd lest dir das dein / So thu°e als dw In zw° dem gemächt wollest stechen / wert er dir das / vnd greift mit seiner lincken hant nach dem swert / So stich vnden durch sein swert auf sein rechte seitten ÿm vber sein rechten arm~ an sein prust so prichstu ÿm sein swert

76r

aus seiner Hant / So würf sein swert mit dem ort gegen ÿm / vnd mit deine~ swert fall in die ober hu°t -

Der widerpruch

Item wer dir das thu°et / vnd dir durch paidew swert lauffen wil / So stos ÿm paide swert über den hals / vnd mach die scher -

Ain widerpruch wider den pruch

Item / wenn er dir die scher hat gemacht / so greif mit deiner rechten hant von vnden auf hinder sein rechte in das pindt das dein negel an den fingerñ vbersich sten vnd würf denn dein swert vast von dir auf dein lincke seitten / vdn ker dich gegen ÿm auch auf dein lincke seittñ vnd wind mit seinem knopf aussen vber sein rechte hant / vnd slach ÿn mit dem knopf vnd mit dem gehültz wo dw hÿn wild -

Das sechst reissen

Item / wenn die swert paide gefangen sein / so würf den chnopf vast von dir auf dein rechte seitten / vnd ÿm auf sein lincke seitten vnd spring mit deinem rechten pain hinder sein linckes / vnd greif mit deiner rechten hannt von vnden auf in sein rechte vchsen / vnd heb mit seine~ swert vber sich / So wirfstu in auf dein rechte seitten das ist das pest / vnd das letzt vnder den reÿssen

76v

Das ist aber ein stuck

Item bricht er dir zw dem gemächt / So stich im auch zw dem gemächt einen stich / Den anderñ stich / Stich von oben nÿder vber sein lincke hant zwischen seim paiden arm~ / vnd wind mit dem knopf von vnden auf in sein rechte seitten schreit mit deine~ rechten pain hinder sein lincks / vnd würf In vber dein ???ch -

Der widerpruch

Item / wer dir das tu°t so lass dein swert gen gen peÿ der klingen / vnd greif mit deiner lincken hant hinden vber sein schulter / vnd begreif dein swert wieder peÿ der klingen / vnd druck ÿn vast zu° dir / vnd swing dich von jm auf dein rechte seittñ -

Aber ein stuck

Item arbait er mit dir hoch / vnd sticht dir zw dem gesicht / So stich von vnden auf zwischen seinen paiden armen / vnd vber sein lincke achsel begreiff ÿn mit deiner lincken hant hinder seiner linckñ / vnd würf dein swert mit dem pint auf dein lincke achsel / vnd greif mit deiner rechten in sein lincken elpogen stos vast von vnden auf / vnd nÿm ÿm das gewicht / so pleibt das swert vnder seinem lincken arm~ zwischen ewer paider -

Aber ein stuck

77r

Item arbait er aber hoch mit dir / So stich aber vnden auf zwischen sein paidñ arm / vnd lass dein lincke hant varñ von der clingen / vnd greif oben vber sein swert vasch / vnd begreif dein swert wider peÿ der clingen vnd stos ÿm paide swert denn vber Den hals hinden vber seinen rucken gar obhin in sein paide knÿepüg / vnd reis vast vnden an dich / vnd mit dem haubt stos oben vast von dir so würfstu In auf den ruck -

Ein pruch da wider

Item / wer dir das tu°t / vnd wil dir paide swert über den hals stosen / So var mit deiner rechten hant In sein lincke seittñ vber seinen ruck / vnd schreit mit deine~ rechten pain vorñ für sein lincks pain / vnd würf in vber die hüff / Der pruch get zw paiden seitten -

Aber ein stuck

Item stich ÿm Inwendig zw dem gesicht / vnd begreiff denn sein swert peÿ der clingen zw deinem swert in dein lincke hant / vnd wind mit dem knopf von vnden auf hinder sein rechte hant / vnd heb denn vast vber sich / vnd reÿss denn auf dein rechte seitten / So pleibt dir sein swert auf deinem rechtñ arm / Das ist das swert nemen --

Aber ein stuck

77v

Item / wenn du ÿm ein laufst so stich ÿm auswendig zw dem gesicht / vnd greif mit deiner lincken hant jm zwischen sein paide hende in sein swertz klingen / vnd lass denn dein swert fallen / vnd greif mit deiner rechten hant hinder seine lincke auch in sein swerts clingen / vnd druck mit deiner rechten hant sein swert vast zw dir in dein rechte seitten / So greif denn mit deiner lincken hant von oben nÿder zwÿschen seiner paider arm~ ÿm hinder sein rechte hant in sein pint / vnd widn denn mit seinem chnopf von vnden auf zwischen sein paide arm~ so nÿmpstu jm sein swert -

Ein wider pruch

Item wer dir das tu°t / vnd dir das swert nemen / vnd auswinden wil / So greif mit deiner rechten hant hinder sein rechte / vnd mit deiner lincken hinder sein rechten elpogen / So gewingstu ÿm den ruck an

Aber ein stuck

Item wenn ir paide umb ein swert kriegt / So tracht das dw hast dein lincke hant hinder seiner rechten in seinem pint / vnd dein rechte hant zwÿschen seiner peiden hendt in seiner swertz Klingen / So begreif in denn mit deiner lincken hant hinder seinem rechten / vnd greif denn mit deiner rechten von vnden auf vnder sein rechte arm~ / vnd schreit mit deinem rechten pain hinder sein lincks

78r

Rucht er das pain hindersich / So schreit zwischen seine paide pain / vnd stos ÿm dann sein arm~ mit der lincken hant von dir auf dein lincke seitten / vnd zeuch jm mit der rechten hant sein rechten arm~ vast an dich / vnd ein wenig vber sich auf dein rechte seitten so fellt er -

Hÿe heben sich an die mortschleg

Der erst mortschlag: trit vast In in / vnd tue sam dw im Inwendig zu dem gesicht wellest stechen / vnd lass denn dein rechte hant varen vonn deinem pint / vnd kum domit deiner lincken hant zw hilff in der swertz klingen / vnd slach in mit dem knopf oder mit dem gehultz / oder mit dem pint zu° seine~ haubt -

Ein pruch do wider

Item wer dir zw dem kopff slecht / so vach den slack zwischen deine~ paiden henden in dein swertz clingen / vnd wind mit dem knopf auf dein lincke seitten vber sein gehültz / vnd ruck vast an dich / So zeuchstu im das swert aus seinen henden -

Der ander mortslagk

Item stich ÿm aber Inwendig zw dem gesicht / vnd lass aber dein swert varñ

78v

mit dem pindt / vnd begreif aber dein swert mit paiden henen peÿ der clingen / vnd slach ÿn mit dem chnopf zw der lincken achsel -

Ein pruch da wider

Item vach den slagk zwischen dein paiden hend in die clingen / vnd wind mit dem knopf von oben nÿder vber sein gehultz / vnd ruck vast an dich / So nÿmpstu ÿm aber sein swert als vor -

Der dritt mortschlagk

Den dritten mortschlagk den thu°e zw seinem lincken elpoge~n / vnd den prich als dw die vorigen zwen geprochen hast.

Der vierd mortschlagk

Item tu°e sam dw In zw seinem gesicht wollest stechen / vnd slach in mit dem knopf an sein lincke knÿepug -

Der pruch da wider

Wer dur zw der lincken knÿepüg slecht / So vach den slagk zwischen dein paide hend min dein swertz clingen / vnd das dein knopf gegen der erden stee / vnd wind auf dein rechte seittñ von vnden auf / vnd ruck vast hindersich / So nÿmpstu ÿm sein swert

Der fünfft mortslagk

Item tu°e aber sam du ÿm wilt an setzen

79r

Inwendig in das gesicht / vnd slach In mit dem knopf nÿden in seine~ lincken enckel

Ein pruch da wider

Item wer dir zw dem lincken enckel slecht / So lass dein swert vareñ peÿ dem knopf / vnd mit dem pint in die erd / So vechtu den slagk in das gehultz / vnd spring rasch mit deine~ rechten pain hinder sein lincke seitten / So gewinstu ÿm den ruck an

Vier an setzen

Gee rasch in In / vnd setz ÿm an sein gesicht / oder an den hals / oder an sein prust / oder vnder sein linkes üchsen -

Ein pruch

Hat er dir an gesetzt mit seine~ swert an dein prust / So var mit der lincken hant von oben nÿder auf sein swert / vñ halt das vest peÿ dem ort / vnd stich den mit deine~ swert hinder sein lincks pain / vnd schewb mit deiner prust ein wenig fur dich vnd zuck denn deinen leib pald ale aus seinem ort / vnd stos ÿn mit deiner lincken hant vnder sein gesicht / oder an sein prust hinder sich vber dein swert -

Ein ander pruch

Item hat er dir aber an gesetzt / vnd du ÿm auch / So stich mit deine~ swert hinder

79v

seinen hantschu°ch / vnd lauf für dich auf sein lincke seitten -

Aber ein lösung

Item wenn ir paide swert habt an gesetzt / So greif mit deiner lincken hant aussen vber sein lincke / vnd zeuch den ort ein / vnd stich von vnden auf in sein lincken tenär -

Aber ein losung

Item / wenn er dir hat an gesetzt an dein prust / vnd wil dich dringen / So stich mit dem swert von oben nÿder vber sein lincken arm~ zwischen seiner paider hennd / vnd wind mit deinem knopf von vnden auf gegen seiner rechten seitten so prichstu ÿmb -

Ein wider pruch

Item wer dir das tu°t / So lass dein lincke hant von der clingen / vnd schreit mit deine~ lincken pain fur In begreif dein swert wider peÿ der clingen / vnd druck in vast zw° dir / vnd swing dich denn auf dein rechte seitten / So wurfstu ÿn für dich nÿder -

80r

Hie heben sich an die stuck mit dem pucklär Die maister Andre Lignitzer gesatzt hat her nach geschriben

Das erst stuck mit dem pucklär aus dem oberhaw / Merck / wenn dw den oberhaw treibst zw dem mann / So setz mit dem knopf dein swert Inwendig auf deinen pucklär zw deinem daumen / vnd stich jm von vnden auf zu° seinem gesicht / vnd wind gegen seinem swert / vnd las vber schnappen -

Das annder stuck

Item aus dem vnderhaw / wenn er dir oben zwhaut / So wind gegen ÿm auf dein lincke seitten gegen deinem schilt / So so stestu ÿn zwaien schilten / So wind denn auf dein rechte seittñ plos / vnd greif ÿm nach dem maul / Wert er dir das vnd hebt den schilt auff / So nÿm das linck pain das get zw° paiden seitten -

Das dritt stuck

Item aus dem pucklär aus dem wechselhaw streich von der lincknen seitten aus dem puchklär vast vbersich in sein swert / vnd haw jm de~n von der lincken seittñ zu° dem haupt / vnd wind plos / vnd stos ÿm nach dem maul hebt er mit schilt / vnd mit swert / vnd wert das / So haw mit der langen schneid jm nach dem rechten pain / Das get auch zw paiden seitten -

Das vierd stuck

Item aus dem mittelhaw / mach die twer

80v

zw paiden seitten / vnd den schaitlär mit der langen schneid / vnd stich ÿm vnden zw seinem gemächt -

Das fünft stuck

Item aus dem sturtzhaw tu°e sam dw jm zu° der lincken seiten vber sein schilt wilt stechen / vnd var mit dein ort vnden durch / vnd stich ÿm Inwendig seines schildes / vnd wind jnndes auf dein lincke seitten wert er dir das / So nÿm sein rechtes pain mit der langen schneid -

Das sechst stuck

Item nÿm dein kling / zw dem pucklar in dein lincke hat / vnd wind gegen ÿm als mit dem halben swert / Haut er oder sticht er dir oben zw dem gesicht oder vnden nach dem pain / So lass dein rechte hant vareñ von dem pint vnd versetz ÿm das mit schilt / vnd mit swert / vnd greiff denn mit deiner rechten hant auf sein rechte seitten nach dem schilt wol vndersich / vnd dre in auf dein rechte seitten / So hastu ÿm den schilt genomen

81r

Hÿe heben sich an Maister Andres Lignitzers ringen

Item das erst ringen Hat er dich peÿ dem armen gefast / vnd du In wider / So tracht das dw mit deiner rechten lincken hant Inwendig seins rechten arm~s pist / vnd mit deiner rechten hant auswendig seins dencken pist / Hat er dich denn los / So greif vor mit deiner dencken hant auf sein dencke hant / vnd begreif ÿn pey den vingern / vnd prich die auf dein dencke seitten / So nÿmpstu ÿm das gewicht Der pruch Wer dir das tu°t vnd dir nach den vingerñ greifft / So spring mit deine~ rechten pain für sein rechte paide pain / vnd greif mit deiner rechten hant hinden vmb seinen ruck / vnd würf In für dich auf dein dencke seitten -

Das ander ringen

Hat er dich gefaßt peÿ den armen / vnd dw In wider als vor / So fal mit deinem rechtñ arm~ vber sein dencke hant / vnd kum mit deiner dencken hant deiner rechten zw hilff / vnd swing dich von ÿm auf dein dencke seitteñ -

Das dritt stuck

Hat er dich aber gefast als vor peÿ den armen / vnd dw In wider / So tracht das die denck hant Inwendig seins rechten

81v

arm~s seÿ / vnd dein rechte auswendig seins dencken arm~s / So stos mit deiner rechtñ Hant von vnden auf in sein dencke hant vber dein rechte achsel / vnd spring mit deine~ rechten pain fur sein denckes far mit deine~ rechten arm~ denn aussen vber sein dencken arm~ / vnd kum mit deiner dencken hant dem rechten arm~ zu° hilff / vnd swing dich von ÿm auf dein dencke seitten -

Der pruch

Wer dir das tu°t / vnd dir deinen dencken arm vber sein hals getossen hat / So var mit deine~ dencken arm~ vber den chopff für sein prust begreif in mit deiner dencken hant peÿ seinem dencken arm~ / vnd mit deiner rechten hant greif auswendig in sein rechte knÿepüg vber / vnd heb vber sich / uñ tauch oben auf dein dencke seitten / So wirfstu ÿn auf den ruck -

Das vierd ringen

Var mit deine~ rechten arm~ aussen über sein dencken / vnd greif mit deiner rechten hant für sein prust in sein rechte achsel / vnd spring mit deine~ rechten pain hinder sein dencks / vnd greif mit dein deiner dencken hant Inwendig in sein dencke knÿepüg / vnd wurf in auf dein rechte seitten -

Der pruch

Wer dir das tu°t so greif mit deiñ rechtñ

82r

hant hinder sein rechte / vnd greif mit deiner dencken hant von vnden auff ÿm in sein rechten elpogen / So würfstu ÿn auf das maul -

Das fünfft ringen

Var mit deine~ rechte arm~ von vnden auf Inwendig vber sein dencken arm~ / vnd druck in vast zw dir in dein rechte seitten / vnd spring mit deine~ dencken pain hinder sein dencks / vnd var mit deinem dencken arm~ jm vber die recht achsel vber sein halt / vnd würf in auf dein rechte seitten -

Der wider pruch

Wer dir dat thu°et so ste freÿlich / vnd greif mit deiner rechten hant vber sein dencken arm~ für sein prüst im vnder das maul / vnd zeuch im fur dich vber dein denckes tiech auf dein rechte seitten.

Das sechst ringen

Tracht das dein dencke hant aus wendig seins rechtes arm~s sei / vnd dein rechte hant Inwendig seins dencken arm~es / vñ var mit deiner rechten hant von vnden auf vnder sein rechten arm~ / vnd zwischen deins dencken arm~s / vnd heb vast vbersich auf dein rechte seitten / vdn nÿm im das gewicht das stuck get zw paiden seitten -

82v

Der wider pruch

Ring ÿm nach / vnd nÿm jm das gewicht

Das siben ringen

Wenn er dich peÿ den armen gefast hat / So la dein rechte hant schleiffen / vnd begreif in mit deiner rechten hant hinder seiner dencken hant / vnd kum mit deiner dencken hant deiner rechten zw hilff / vdn hab vast / vnd gee durch sein arm~ auf dein rechte seitten / So gewinstu ÿm den ruck an -

Der wider pruch

Wer dir durch get so gee mit ÿm durch / vnd vall in ein ringen in welches du wils

Das acht ringen

Lass aber deinen arm~ schleiffen / vnd kum mit deiner dencken Hant der rechten zw hilff / vnd gee durch auf dein dencke seitten -

Der wider pruch

Wer dir das tu°t vnd wil dir auf dein dencke seitten durch gen / So greif mit deiner rechten hant vber sein dencken elpogen / vnd ruck vast an dich / So wurfstu In auf den ruck -

Das Newnt ringen

Lass aber dein rechte hant an seine~ denckñ arm~ schleiffen / vnd kum mit deiner dencken deiner rechten zw hilff / vnd wendt dich von ÿm auf dein dencke seittn / vnd

83r

zeuch ÿm den arm vber dein rechte achsel

Das zehent ringen

Wenn dw In hast peÿ dem arm~ gefast das dein dencke hant Inwendig seins rechtñ arm~s ist / vnd dein rechte auswendig seins dencken / So var mit deiner dencken hant für sein prust vnder sein kinpacken / vnd in sein dencke achsel / vnd greif mit deiner rechten hant auswendig in sein dencke knÿepüg / vnd würf in auf dein dencke seitten / Das stuck get zw paidñ seitten

Der wider pruch

Wenn er dir das tu°t / So nÿm ÿm das gewicht -

Das xi ringen

Hat der dich gefast das sein paide arm~ vnden sein / So begreif mit deiner rechten hant ÿm hinden an seinen dencken arspacken / vnd mit der dencken hant zwischen encker paider prust vnder sein kinpacken / Stos oben vast von dir / vnd zeuch vnden an dich / So wurfstu In an den ruck -

Der widerpruch

Wer dir das tu°t so la dein rechte hant varñ / vnd halt mit deiner dencken hatn fast in peÿ dem ruck / vnd spring mit deinem dencken pain für In / vnd würf In auf dein rechte seitten -

83v

Mer ein pruch auf das vorgenãt stuck

Wenn einer paide arm~ vnden hat / So var mit paiden daumen von vnden auf vnder sein kinpacken / oder hinder den oren so prichstu dich von jm -

Das xii ringen

Mit geleichen vassen hat er dich geleich gefast / vnd dw in wider so tracht das dein dencker arm~ vber seinem rechten seÿ / vñ dein rechter vnder seine~ dencken / so schreit mit deine~ rechten pain auswendig / vnd ruck mit deine~ dencken arm~ vast sein dencken arm~ zw° dir / vnd kum mit deinem rechten arm~ deine~ dencken zw hilff / vnd würf In vber die hüf das stuck get zw paiden seitten -

Das xiii ringen

Hat er dich aber gefast das dein rechte hant vnden ist / vnd dein dencke oben / So greif mit deiner dencken hant an sein dencken hals / vnd begreif in mit deiner rechten hant an seiner dencken seitten peÿ der Joppen / vnd druck oben an dem von dir gegen der erden / vnd heb vnden ein wenig auf / So trit mit deine~ denckñ pain hindersich / vnd swing dich denn auf dein lincke seitten -

Das vierzehnt stuck

Hat er dich gefast mit geleichen fassen

84r

das dein rechter arm~ auswendig seins dencken ist / vnd dein dencker vnder seinem rechten / So zuck dein dencken arm~ aus seinem rechten vchsen / vnd druck mit dem rechten arm~ jm sein dencken vast zw° dir / vnd far mit deiner dencken hant jm vnder den hals / vnd swing dich denn von ÿm auf dein dencken seitten / Das stuck get zw° paiden seitten -

Das fünfzehnt ringen

Hat er dich gefast mit geleichen fassen das dein rechter arm~ oben ist / vnd dein dencker vnden / So zuck aber den denckñ arm~ vnd greif mit deiner dencken hant jm vber sein dencke achsel vmb sein hals / vnd kum denn vnden deiner rechten hant zw hilf / vnd druck ÿn vast vnder sich / vñ fal auf dein hinderñ / vnd würf In vber dich das get auch zu° paiden seitten -

Das sechzehnt ringen

So er dich hat peÿ den armen / vnd dw ÿn wider so tracht das dein rechte hant Inwendig seins dencken arm~s seÿ / vnd dein dencke hant auswendig seins rechten arm~s / So lass dein dencke hant auf seine~ rechten arm~ schleiffen / vnd greif do mit hinder sein rechte hant ÿn peÿ dem arm~ / vnd den~ mit deiner rechten hant von vnden auf vnder sein rechts

84v

üchsen / vnd spring mit deine~ rechten pain hinder sein dencks / vnd druck mit deiner dencken hant vber sich / vnd zeuch mit deiner rechten hant an dich auf dein rechte seittñ

Das sibzehent ringen

Tracht das dein paide arm~ vnden sein / vñ greif den mit deiner rechten hant jm zwischen seine paide pain / vnd fass yn hinden peÿ der joppen / vnd mit der dencken hant var von vnden auf an sein prust / vnd heb vnden fast auf / vnd stos vnden von dir so felt er -

Der wider pruch

Wer dir das tu°t / So versleüs mit deinen paiden armen im sein rechten arm~ / vnd heb vber sich / So mag er dich nicht gewerffen -

85r

Hie heben sich an Maister Andres Liegnitzers stuck mit dem Degen

Merck das erst stuck mit dem degen / Sticht er dir von oben nÿder zw deine~ gesicht / oder der prust / So var mit deine~ denckñ arm~ von vnden auf / vnd vach den stich in deinen arm~ / vnd greif mit der dencken hant von Innwendig aussen über sein rechten arm~ / vnd druck In vast in dein dencke seitten / vnd stich ÿn denn mit deine~ degen zw seinem gesicht -

Das ander Stuck

Thu°et er sam er dir oben zw dem gesicht well stechen / vnd macht dir einen feler / vnd wil dich in die seitten stechen / So vach den stich in dein dencken arm und / vnd wind denn mit deiner dencken hant von vnden auf vber sein rechte hant / vnd drvck vast an dich an dein prust / vñ stich in mit deinem degen zw seinem gesicht -

Das dritt stuck

Hat er den degen gefast das die scheiben peÿ seine~ Daumen stet / vnd sticht dir oben aber zw dem gesicht / So var mit deiner dencken hant von vnden auf Inwendig seins rechten arm~s außwendig vber sein rechte hant / vnd vach ÿm die hant / vnd den degen in dein dencken üchsen / vnd setz ÿm mit deine~ degen an / wo du wild

85v

Das vierd stuck

Hat er den degen aber das die scheiben peÿ dem daumen stet / vnd sticht dir zw der seitten oder zw dem gemächt / So var mit deiner lincken hant von oben nÿder / vnd stich mit deine~ degen vnder sein rechte hant / vnd druck mit deiner dencken hant vndersich / vnd mit deiner rechten hant vbersich heb / vnd druck vast an dein prust / vnd swing dich von ÿm auf sein rechte seitten -

Das fünfft stuck

Hat er den degen gefast das die scheiben an seinem clainen vinger stet / vnd sticht aber von oben nÿder / So vass deinen degen auch also stich dw von oben nÿder gegen seine~ stich / vnd vber sein rechte hãnt / So greiff denn mit deiner dencken hant under deiner rechten hant In dein degen klingen / vnd druck deinen arm vast zw° samen / vnd ruck ÿn vast hinder sich / Das ist das verschliessen -

Das sechst stuck

Hat er seinen degen getzogen / vnd dw deinen nicht / vnd sticht dir oben zw° / So var mit deine~ rechten arm von vnden auf / vnd begreif ÿn mit deiner rechten hant hinder seiner rechten / vnd var mit deiner dencken hant von vnden auf an sein rechten elpogen / vnd nÿm ÿm das gewicht / vnd stos ÿm den

86r

arm~ gar über deinen dencken arm~ / vnd würf taus es oder ?sib?ene -

Das sibent stuck

Hat er sein degen ee gezogen denn dw den deinen / vnd sticht dir oben zw° / So vach den stich in den dencken arm~ vnd var von Inwendig außen vber dein rechten arm~ / vnd druck in dein dencke seitten / vnd swing dich von ÿm auf dein rechte seitten / So prichstu ÿm den arm~ / Wiltu ÿn werffen auf den ruck / So spring mit deine~ rechten pain auf dein dencke seitten / vnd greif mit deiner rechtñ seittñ hant vnder sein rechten arm~ / So wurfstu in über die hüff - Das acht stuck

Hat er aber den degen gezogen / vnd du den deinen nicht / So stee freÿleich für In vnd mach den sparren / Sticht er dir denn oben zw° / So arbait jm nach dem gewicht -

foll. 87-100: Martin Hundfeld

87r

Hie hebt sich an Master Marteins Hundtfeltz kunst dem got genädig seÿ mit dem kurtzen swert zu° champf In harnasch aus vier hu°ten

Merck das ist die erst hu°t / Nÿm das swert in paid hend vnd schut das krefftigcleich / vnd kum in den hangenden ort zw dem rechten ör / vnd stich ÿm zw dem gesicht / vnd setz ÿm an in das gesicht oder wo das ist / Wert ers so zuck / vnd gee durch mit dem stich / vnd setz jm an als vor / vñ wenn du ÿm hast angesetzt / So schlach dein swert vnder dein rechtzs üchsen / vnd dring ÿn also von dir hÿn -

Ein anders stuck

Stich jm zu° als vor / wert ers mit dem voderñ ort fur seiner lincken hant / vnd setzt ab / So val ÿm mit der lincken hant in sein swert peÿ dem ort / vnd weis ÿm den stich ab / vnd stich ÿm mit der rechten hant krefftigklich zw den hoden / Wirt er des stichs gewar / vnd felt dir auch in das swert / So würf dein swert ÿm für die fuess / vnd nach jm oder begreif ÿm den selbigen arm~ / vnd prich ÿm den -

Ein anders

Auch magstu aus der oberñ hu°t mit dem klös des swertz im zw dem haubt

87v

schlahen / oder auf die arm~püg der vor gesatzten hant / oder in die knÿepüg des vorderñ fuess / vnd wil er dir das werñ / wenn dw In schlechst nach der knÿepüg / vnd wil dich oben überlauffen / So vorsetz ÿm den schlack mit dem gehültz / vnd setz im den ort in sein gesicht -

Item was man mit dem knopf schlecht / das haissen die donersleg dw magst in auch vnder die augen / in das visir do mit slachen

Item merck einen aus dem krais zu° füren an seinen danck / So greif nach eine~ vinger zw° der lincken / vnd prich über sich / Oder stich in oben in den hantschuech in die hant / vnd heb daz swert mit der hant vbersich / vnd für In aus dem kraiss / wisse das ist gut / vnd auch verporgen -

Item wildu einen man werfen der dir hat angesetzt / So übergreif mit der lincken vber sein lincke / vnd nÿm das gewicht peÿ seinen lincken elpogen das ist gut -

Also prich das

Wenn er durch greiffen wil / So prich ÿm die hant vorñ peÿ dem gelied mit deine~ swert -

Das ist die ander hu°t In harnasch zu° kampf

Nÿm das swert in paide hend / vnd haldes vber dein knÿe / vnd gee zu dem mann / Sticht er dir denn vnden zu° so wer ÿm nicht sunder leg ÿm an sein gesicht / Oder

88r

Sticht er dir oben zu° es sei zu° den gesicht oder wo es ist / So setz ÿm den stich ab mit dem voderñ tail deines swertz / vnd setz ÿm an in das gesicht / oder an die drossel / vnd schlach dein swert vnder dein vchsen / vnd dring für dich / Oder setz ab zwischen deinen zwaien henden / vnd var mit dem knopf vmb sein hals / vnd vor setz ÿm mit deine~ rechten fuess / vnd fell In also -

Ein pruch wider das

Nÿm des arm~s war / vnd raid vmb vnd treib den arm~ pruch / Iten wenn du vor setzt so var vber mit der hanthab vber sein vor gesatztew hanthab / vnd zeuch zu° dir / vnd prich / vnd setz an / Oder wechsel durch / vnd setz ab mit dem klos Also prich das Nÿm des klosses war mit der lincken hant / vnd stos jm das swert hinder ruck / vnd stich / vnden zu° den hoden -

Das ist die dritt hu°t zu° kampf In harnasch

Nÿm das swertin paide hend / vnd stee in dein geheng peÿ der rechten seittñ also das der linck fues vor stee / vnd wenn Jenär auf dich sticht / oder wil slachen mit dem klos / oder wil dir an setzen / so stich ÿm zu° seiner vorgesatzten hant -

Ein anders

Oder stich vber seiner hant durch / vnd vber sein swert / vnd druck den knopf zw der erden / vnd setz an -

Aber ein anders

88v

Oder slach jm zu° mit dem knopf zu° dem vorgesatzten elpogen / oder vnden zw° dem elpogen / vnd das swert wider gefast peÿ der klingen / vnd vnder das recht vchsen oder auf das knÿe

Item felt er dir in das swert in der mitt das geschicht gerñ von zagkeit so zewmnis rasch aus

Item felt er dir in die spitz so heb das swert vber das haubt / vnd nÿm das swert in paide hende / vnd ruck an dich vnd slach ÿm zw° der voderñ hant die er helt vor gesetzt / oder zu° der knÿepüg / vnd begreif wider das swert mit der klingen / vnd gelegt auf das knÿe -

Das ist die vierd hu°t zu kampf In harnasch

Nÿm das swert vnder das recht üchsen / vnd gee an den mann mit an setzen / vnd setz ÿm an an das gesicht / Wert ers so zuck oder setz jm an die drossel oder an die achsel / oder under die vchsen vnd dring in also von dir hin / vnd wenn du hast an gesatzt so lass in nicht ab komen / vnd wil er denn nn zu° dir mit slegen / vnd mit dem knopf arbaitten so volg jm nach mit nach raisen / und lass In nicht ab kömen so mag er weder geschlahen noch gestechñ / wenn er wirt ÿm zu° kurtz das ist die kunst das wisse -

Von an setzen

Merck alles das du wilt an setzen das

89r

setz an / an das gesicht oder an die drossel oder and die linck achsel / oder vnder die vchsen / vnd dring in also -

Item merck eben setztu jm an an sein lincke seitten so tritt ab mit dem lincken fuess /

Oder setztu jm an an der rechten seitten so tritt ab mit dem rechten fuess / vnd lauf für dich / vnd druck In auf ein seitten / vnd lest er dir die seitten so stos in auf die hauben / wiße das ist das chranckist an dem menschen -

Item / merck / wenn du jm hast an gesetzt / uñ ist er lenger / wenn du so druck also geleich für dich hin ab das der ort vbersich auf gee / vnd jm wol in die ring gesatzt seÿ

Item ist er kurtzer wenn dw so lass dein swert mit der hant absincken untz auf die recht hüf / vnd als vor vber sich auf mit dem ort / vnd vntter die ring wol gesatzt als vor / vnd lass In nicht ab chöm~en / wil er denn mit dem kloss arbaitten so merck das nachvolgen mit dem ort so kan er zu° kainen dingen kumen das ist zu° merckñ / vnd ist gu°t -

Merck wider die ansetzen in das gesicht oder wo das seÿ das prich also

Stich ÿm vnden in die hant die er hat für gesetzt auf der klingen / vnd für in also aus dem kraiss

Item oder stich In über sein vorgesatztew

89v

hant / vnd druck das swert mit dem knopf nider zu° der erden / vnd setz ÿm an -

Item oder setz ÿm ab zwischen deine~ zwaien henden / vnd mit dem knopf gestossen fur den hals / vnd vnden mit dem rechten pain getretñ hinder sein lincks / vnd dar über geworffen -

Item oder setz ÿm ab mit dem ort / vnd ÿm angesetzt an sein gesicht / Oder wechsel durch mit dem knopf / vnd setz da mit ab Item ob er die hant hat vmb gewant auf der klingen so stich in oben in die finger / vnd heb vber sich auf -

Item aber ein pruch wider das an setzen stich ÿm vnden durch sein hant / vnd vber sein swert / vñ er pür den knopf vber sein lincke hant vñ ruck do mit nider / vñ setz an

Item / wenn dir einer wil mit dem knopf vmb den hals varñ vber dein rechte achsel / So begreif im den elpogen mit der lincken hant / vnd stos in von dir / vnd stich mit der lin rechtñ hant krefftiglich -

Item oder begreif mit der rechten hant sein rechte / vnd mit der lincken nÿm im das gewicht peÿ seinem elpogen -

Item ruck in zw dir mit seiner rechten hant / vnd begreif ÿm den leip vnd gewinn ÿm die seitt an / vnd erheb ÿm / vnd slach ÿm vnden aus den fues so felt er das ist auch gut

90r

Item wenn er sticht so stich mit ÿm geleich ein zu° seiner lincken seitten / vnd begreif sein swert zw deine~ swert mit deiner lincken hant / vnd mit der rechten hant wind vnden durch sein swert / vnd slach In denn mit paiden swerten -

Item / wenn dir einer hat an gesetzt / vnd dw jm auch das prich also nahen ÿm als mit eine~ dringen mit der seitten an die er dir hat gesetzt / vnd greif mit deiner lincken hant vorñ an sein swert peÿ dem ort / vnd vrbering ruck in nach dir so gewingstu ÿm die seitt an -

Item stichstu eine~ zu° aus der oberñ hu°t zw° seine~ gesicht felt er dir denn mit seiner lincken hant in dein swert für dein lincken / So vall mit deine~ knopf vnder dein rechts vchsen in die hu°t / vnd setz ÿm an vnder sein lincks üchsen / oder an die prust -

Item stichstu eine~ zu° dem gesicht aus der vnderñ hu°t / felt er dir denn in dein swert mit seiner lincken hant für deiner lincken so var auf mit der rechten hant in die ober hu°t / vnd heng ÿm den ort vber sein lincke hant / vnd setz jm an -

Item wisse das alle ober~ auf an setzen prechen / vnd ledigen die underñ / vnd in allen an setzen / So wind deinen knop vnder dein rechts vchsen in die hu°t / vnd dring also fur dich mit sterck -

90v

Item stichstu eine~ zu° dem gesicht aus der oberñ hu°t felt er dir den mit seiner lincken hant in dein swert zwischen deinen paiden henden so wind mit dem Knopf inwendich durch sein arm~ oder aussen vber sein arm~ auf dein lincke seitten / vnd ruck auf dein rechte seitten / vnd setz im an das haist ausgeze[..]nt vnden / vnd oben -

Item / wenn du eine~ hast an gesetzt / vnd er starck wider ist das dw nicht gedringen magst greift er denn vnden durch dein swert mit seiner lincken hant / vnd begreift dir dein lincke / vnd wil dir das gewicht nemen / So merck die weil er dir den arm~ vmb reÿdet so setz ÿm an vnder das linck vchsen / so gewinstu im die swech an wie starck er ist kan im die sterck nicht gehelfen

Item stich mit eine~ geleich ein aus der vnderñ hu°t / vnd pis startck so far am swert ist er auch starck so far mit dem knopf auf mit deiner rechten hant / vnd mit der lincken leit im den ort vber sein lincken arm~ vor die prust oder vnder sein lincke vchsen / vnd setz ÿm an / vnd in allen ansetzen so wind das gepindt vnder das vchsen in die hu°t -

Hie hebt sich an maister marteins hundtfeltz kunst die vnder halden vnd die auf sten im harnasch zu° kampf

91r

Merck wenn er felt so fall im albeÿ zu° der rechten seitten / vnd mit dem rechten knÿe fall zwischen sein pain / vnd mit der lincken hant fal fur seinen hals / vnd pis nicht zu Jach das du nicht zu ser vber in fellest / vñ greif nach seine~ degen / vnd zeuch denn deine~ nicht du habst in den~ gewis / wil er dir denn in den degen fallen so stich in zu° der hant -

Ein anders halden

Nÿm sein rechten arm~ zwischen deine pein / vnd leg dich auf in tzw twerchs uñ streck dich vast und halt deine pain fest zu° samen / vnd greif mit der lincken hant in sein linkcken arm~ / vnd hald in also / vnd arbait mit der rechten hant mit dein degen das get zu° paiden seittñ -

Aber ein halden

Wenn du neben in fellest so nÿm sein haubt vnder dein lincks uchsen / vnd vmb vach in mit dem hals / vnd leg dich mit dem leib oben uber sein antlitz / vnd arbait mit der rechten hant - Aber ein halden

Felt er auf den ruck so fall im mit deine~ rechten knÿ zwischen sein pain / vnd vas im den rechten arm in dein lincke knÿepüg / vnd sitz dar auf / vnd begreif sein lincke hant mit deiner rechten / vnd ruck im die under seinen hals / vnd haldt in fest mit der lincken hant / vnd arbait mit

91v

der rechten mit dem degen -

Aber ein hald

Wirfstu In auf den ruck so vall mit deine~ lincken knÿe in sein rechten arm / vnd mit der lincken für sein hals / vnd do mit druck in fast / vnd begreif ÿm sein lincke hant mit der rechten / vnd greif mit der lincken der rechten zu° hilff / vnd hald ÿm sein lincke hant mit deiner lincken / vnd arbait mit dem degen mit der rechten -

ein anders halden

Felt er auf den ruck so begreif im paide pain vnder den knÿen mit paiden henden / vnd heb sÿ auf vnd fall im mit dem knÿe zwischen seine pain auf die hoden / vnd hald im also paide pain mit einer hant / vnd alsbalt mit der anderñ mit dem degen

Aber ein halden

Item peÿ dem hals mit der lincken vber die kel / Item vnder dem rechten arm~ durch vnd vber dem hals -

Würfstu in auf den pauch

So vall du mit ÿm dem rechten knÿ hinden in das schlos vnd mit der lincken hant greif über sein haubt vorñ an das visir / vnd zeuch vbersich / vnd mit dem knÿe druck nÿder / Ist sein visir offen so greif mit den vingern in seine augen / oder greif mit paiden henden an die hauben / vnd verdre im den hals so felt er wider auf den pauch Ein arm~ pruch

92r

Item felt er auf den pauch so fall mit eine~ knÿe auf sein arm~ im gelenck / vnd prich vbersich / Item wenn er auf dem pauch leit so sitz auf im vnd schreit vber sein arm~ / vnd prich ÿm sÿ / Item sitz ÿm auf sein achsel schritling / vnd zeuch ÿm den kopf vber sich

Item sein rechte hant auf dein ruck wol vber sich gedaucht / Item greift er dir in dein visir mit den vingerñ wenn es offen ist von vnden auf / wenn du auf dem pauch leist so schlach mit deiner lincken hant an sein lincke / oder mit der rechten auf sein rechte / vnd ruck an dich / vnd druck dein haubt zu° der erden / vnd hilf mit henden vnd mit fuessen so kumpstu auf -

Aber ein pruch

Item begreif sein lincke hant mit deiner lincken / vnd zuck an dich fall auf den ruck vnd mit der rechten hant begreif sein pain vnd heb vbersich so kumpstu auf -

Ob du auf den ruck felst

Item ob dich einer auf den ruck wirft so merck in dem als du fellest so leg dein lincke hant auf dein prust / vnd wenn er auf dich felt so begreif mit deiner lincken hant seinen lincken elpogen / vñ mit deiner rechten hant greif vnder sein lincks knÿ vñ heb vbersich / vnd mit dem leib schupff dich rasch auf in dem fäl so chumpstu auf ÿn.

Ein ander pruch

92v

Oder pring deinn lincken arm~ vmb sein hals / vnd heb mit dem rechten pain / vnd hilf mit der rechten hant

Item magstu das nicht getu°n / vnd er mit dem degen arbait so schupf dich albeg auf wertz magstu dein lincke hant nicht gewinnen so greif ÿm vnder sein hand vnder den degen / vnd tu° die hant zu° wenn du greiffen wild / vnd weñ du jm die hant gefast hast so greiff mit der rechten an sein lincken elpogen / vnd heb vbersich zuck das recht knÿ zu° dir / vnd besich ob du jm magst von dir gestossen -

Ein gut halden in den ringen

Begreif mit der rechten hant sein rechtñ arm hinder seiner rechten hant / vnd mit deiner lincken hant nÿm ÿm das gewicht pei seiner~ rechten elpogen / vnd stos sein rechten arm~ mit deinder rechten hant wol vber deinen lincken arm~ vnd dritt hinder in / vnd hald in also fest hastu In nicht geworfen so begreif sein rechts pain vnder dem knÿe -

Das ist ein lere

Hastu einen vnder dich geworffen so schneit oder reis ein gross stuck aus seine~ wappenrock stich ÿm das in sein visir mit dem degen / vñ lass in das nicht aus gewinnen das ist gut weñ es kotig ist / oder würf im das visir voller staubs / oder gemüls oder sich mit dem degen erden aus vnd wirf ims in das gesicht ein andere ler

93r

Merck magstu kein plöss an ÿm gesehen so schneid ÿm aus dem wappenroch auf den armen / oder die hosen / vnd was dw stichst von nesteln die schneid auf vnd vindestu ein gurtel die schneid auch auf fo vindestu etwas an das dir gut wirt / vnd stich gar eben auf seinen degen - Merck du magst In auch slahen mit dem knopf / oder stossen zu° dem hertzen / weñ er leit oder zu° den achselñ oder zu° den anderñ gelencken / Merck in dem verreiben slach oben oder vnden an sein enckel / vnd zeuch oben auf sein seittñ mit der rechten - Also stich auch die plössen hinden zw dem leib zu° dem gesicht zwischen den schulterñ inwendig vnder den vchsen / vnd zuck nicht wider pis er sichert -

94r

Das ist das fechten das maister martein hunffeltz gefaßt vnd geticht hat mit dem degen dem got genädig seÿ

Merck wenn dir einer zu° sticht mit dem degen vnden zu° dem leib / vnd hat den degen gefast das die scheib vorñ an der hant stet -

Das prich also

Item halt dein lincke hant fur dir an dem pauch / vnd wenn er vnden zu° stich so slach in mit der lincken hant oben auf sein rechte arm~ / vnd var im innwendig vnden durch sein rechten arm~ / vnd das dein lincke arm¨ aus wendig auf sein rechten chüm / vnd trit wol zu° jm / vnd heb vber sich / vnd prich ÿm den arm~ vber dein lincke achsel -

Das ist ein ander pruch

Merck / wenn er dir vnden zu° sticht so fall ÿm von oben nider mit der lincken hant in den degen das dein daum von dir stee / vnd slach mit der rechten ha~t von vnden auf ÿm vnder sein rechte arm~ vorñ peÿ der hant / so volgt dir der degen

Aber ein pruch

Merck / wenn er dir vnden zu° sticht so begreif im die hant mit deiner

94v

lincken hant / vnd lauf ÿm mit dein haubt durch den arm~ / vnd begreif in in dem lauf mit der rechten hant sein rechts pain / vñ trag in also wo dw hin wild / Oder slach von vnden auf In vnder den elpogen mit der rechten hant hinden in das gelenck -

Aber ein pruch

Merck / wenn er dir vnden zu° sticht / so greif ÿm den arm~ mit der lincken hant / vnd druck vnder sich / vnd fal ÿm mit der rechten hant von vnden auf in den elpogen / vnd zeuch do mit vbersich daz ist gu°t

Das ist wie man den degen aus reissen sol

Merck wenn er den degen hat gefast das im die schaid vorn an der hant stet / so fas deinen auch also / Sticht er dir denn vnden zu° so fach mit ÿm geleich ein / vñ pint mit deine~ degen an den sein / vnd begreif pald den seinen von oben nider mit der der lincken hant das dein daumen gegen dir stee / vnd went deinen degen auf sein rechte hant / vnd mit der lincken prich seinen degen vber deinen degen vbersich so nÿmpstu ÿm den degen -

Aber ein aus reissen

Merck / hat er den degen gefast / das doe scheib an seine~ klaine~ finger stet / vnd sticht dir oben zu° so verker dein lincke hant / vnd var von vnden auf / vnd be

95r

greif ÿm den arm~ vorn~ peÿ der hannt vnder seine~ degen / vnd würg ÿm den degen mit deine~ lincken arm vbersich auf

Also prich das

Merck / wenn du auf einen stichst von oben nider / vnd hast den degen gefast das die scheib hinden an deiner hant stet / vor setzt er mit verkarter hant es seÿ mit welicher hant es seÿ / vnd wil dir den rechten arm~ vmb reißen / oder den degen aus wurgen so wind jm den degen vber sein hant vñ schneid ÿm ab die hant -

Aber ein pruch

Merck sticht er von oben nÿder / vnd hat den degen gefast das die scheib hinden and der hant stet / So fass dein degen auch also / vnd stich von vnden auf mit verkartem degen gegen seinem stich / vnd lass dir die hant nicht begreiffen / vnd stich in das gesicht -

Aber ein pruch

Merck / hat er den degen gefast das ÿm die scheib hinden an der hant stet / So fass den deinen auch also sticht er dir denn oben zu° / so stich von vnden auf von deiner lincken seitten gegen seine~ stich mit verkartem degen / vnd var mit deine~ degen vber sein arm~ vorñ peÿ der hant / vnd druck nÿder mit dem degen / vnd mit der lincken nÿm ÿm das gewicht peÿ

95v

dem elpogen -

Merck wenn dw mit deine~ degen vber sein hant geforñ pist so greif mit deiner lincken hant vnden druch dein rechte in dein degen klingen / vnd druck dein arm~ vast zu° samen / vnd ruck vast vnder sich/ so hastu jm den arm gefangen -

Merck hat er den degen gefast das die scheib hinden an der ha~t stet / vnd stich dir oben zu° so verker dein lincke hant / vnd begreif im do mit sein rechte / vnd mit der anderñ hant stich ÿn wo dw hin wild oder begreif im das pain mit der rechten / vnd chum also zu° ringen -

Merck / wenn du / jm mit lincker verkarter hant seine rechte hant gegriffen hast so slach in mit der rechten hant von oben nÿder in die die arm~püg / vnd prich ÿm sein rechten arm~ vber deinem rechten -

Item wenn einer von vnden auf sticht so stich du starck von oben nÿder den holen sticht / vnd tempf ÿn -

Merck das haist der schlüssel dar umb das man alle schlos do mit auf schleust der get also zu wenn einer auf dich sticht mit eine~ degen / vnd du in den henden kain were nicht hast so stee still / vñ leg dein hendt eine auf die ander daraus soltu auf schliessen alle schloss gegen dem degen einer stech auf dich oben

96r

oder vnden -

Merck die pruch aus dem schlüssel mit leren henden

Merck sticht dir einer oben zw° mit dem degen so verker dein rechte hant / vnd vach seinen rechten arm~ vorñ peÿ der hant / vnd raÿd ÿm den arm~ vmb / vnd mit der lincken nÿm ÿm das gewicht peÿ dem elpogen / vnd die weil dw ÿm das gewicht nÿmpst so stos mit deiner rechten hant seinen rechten arm~ oben vber deinen lincken / vnd heb mit dem lincken arm~ seinen rechten vber sich auf so hastu In gefangen / vnd magst neben ÿm essen / vnd trincken das er von dir nicht mag kumen -

Aber ein pruch mit leren henden

Wenn dir einer vnden zu° sticht so fall ÿm mit der lincken hant auf sein rechte / vnd halt die fest / vnd greif mit rechter verkartter hant vnden in sein degen / vnd wend ÿm sein degen von vnden auf zw°° seine~ leib mit der spitz / vnd lauf mit deiner prust hinden an den degen sp stichstu ÿn mit seine~ aigen degen -

Aber mit leren hendñ

Wenn dir einer mit dem degen vnden zu° sticht so begreif ÿm den arm~ mit paiden henden / vnd lauf ÿm durch den arm~

96v

vnd halt fest / So prichstu jm den a#marm~ auch nÿmpstu jm den degen / ob du wild -

Ein anders

Wenn dw im den arm~ mit paiden henden begriffen hast / So raid vmb / vnd wendt dich durch auf dein rechte seitten / vnd prich ÿm den arm~ vber dein lincke achsel

Aber mit leren henden

Wenn dir einer zu sticht / So begreif ÿm den arm mit paiden henden / vnd trit wol zw ÿm / vnd wendt dich auf dein rechte seitten / vnd prich ÿm den arm vber dein prust

Oder treib das ringen

Var mit deiner lincken hant vorñ für sein hals / vnd schreit mit deinem lincken fues hinder seinen rechten / vnd würf ÿn vber dein lincks knÿe aus dem fuess -

Mit leren henden

Wenn er sticht so begreif jm die rechten hant mit deiner lincken / vnd mit der rechten begreif jm vnden den elpogen / vñ zeuch do mit do mit zu° dir / vnd mit der lincken stos ÿm den arm~ oben von dir / vnd spring mit deinem rechte fuess hinder seinen lincken / vnd würf ÿn aus dem fuess vber dein rechtzs knÿe -

97v

Hÿe hebt sich an maister marteins huntfeltz kunst dem got genädig seÿ zu° Ross mit der glefen vnd mit dem swert her nach geschriben

Zu° ross streiten lere von paiden seitten / Dar nach wisse den ros guten gewisse / auch merck die seitten do du auf vortail gerest streitten / wer auf dich sÿnnet sein / schwert zu dir chumen gewinnet / an zweifel wind an / wildu chainen schaden han / Darnach mercke / glefen naÿ bederben mit stercke / erst plos zu° rennen / so fass den zaum lanck mit sÿnnen / Dar nach zu° streiten / Die glefen twer vber ein seitten / So merck die seitten / so du mit kunst gerest reitten / So recht mit sÿnne~ / So du absetzen gerest gewinne~ / Recht lanck lass hangen / Das lob ich witu rangen / Wer auf dich wil hauen / Vor setzen soltu dich freÿen / Wenn du hast vor setzt / So sein all sein häw geletzt / So findestu schnidt hinden / vnd vorñ mit dar nach ÿm abhaut/zaum linck pain sunder im draw -

Das sind die stuck mit der glefen

Item renn mit ÿm geleich ein mit der glefen / vnd stee auf von dem lincken arm~

Item setz ab kurz mit paiden henden mit der glefen

97v

Hÿe hebt sich an maister marteins huntfeltz kunst dem got genädig seÿ zu° Ross mit der glefen vnd mit dem swert her nach geschriben

Zu° ross streiten lere von paiden seitten / Dar nach wisse den ros guten gewisse / auch merck die seitten do du auf vortail gerest streitten / wer auf dich sÿnnet sein / schwert zu dir chumen gewinnet / an zweifel wind an / wildu chainen schaden han / Darnach mercke / glefen naÿ bederben mit stercke / erst plos zu° rennen / so fass den zaum lanck mit sÿnnen / Dar nach zu° streiten / Die glefen twer vber ein seitten / So merck die seitten / so du mit kunst gerest reitten / So recht mit sÿnne~ / So du absetzen gerest gewinne~ / Recht lanck lass hangen / Das lob ich witu rangen / Wer auf dich wil hauen / Vor setzen soltu dich freÿen / Wenn du hast vor setzt / So sein all sein häw geletzt / So findestu schnidt hinden / vnd vorñ mit dar nach ÿm abhaut/zaum linck pain sunder im draw -

Das sind die stuck mit der glefen

Item renn mit ÿm geleich ein mit der glefen / vnd stee auf von dem lincken arm~

Item setz ab kurz mit paiden henden mit der glefen

98r

Item so dir einer aus slecht die glefen mit dem swert so stos ÿn mit der glefen mit dem hinderñ tail zu° den hoden / oder far ÿm mit dem arm~ in sein arm~ / vnd nÿm ÿm sein swert

Swert gegen swert

Item leg dein swert auf den lincken arm~ / vnd wenn Jäner auf dich haut so stee auf haw hant zaum linck pain ab -

Item stee auf mit dem swert vnd nÿm ÿm sein swert -

Item gee auf mit deine~ knopf vñ haw jm zu dem kopf do mit prich glefen / vnd allew were -

Item wenn du jm zu° dem kopf schlechst / vnd er dir vor setzt so heng wol aus deine~ rehcten arm~ wirf oder stich jm in sein arm -

Item vorsetz den stich oder den slag / vñ var jm mit dem knopf zu° dem halt / vñ würff ÿn -

Item wenn er dir zu° der lincken seittñ zu° reitt So vorsetz / vnd slach ÿm ein ober haw zum kopf / oder stich im in den hals -

Item nÿm dein swert in die linck hant / vnd leg es dem ross auf den hals / vnd wenn er schlecht so vorsetz / vnd stich ÿm zw° dem hals -

Item wenn er schlech so vor setz / vñ hurt

98v

mit deine~ gehülz vnder sein arm~ vnd mit deine~ rechten fuess far vnder sein satel rÿmen / vnd erpür ÿm den fues / vnd heb ÿm auf den arm~ mit deine~ gehülz / vnd würff ÿn also vom ross

Item das stuck ist der edelschafgrif als du wol waist wie man den treiben sol

Item ein swert mit dem anderñ genome~ aus den hangenden örterñ begreif ÿm den arm do er das swert Inn heltt / vnd hurt ÿm durch / vnd nÿm ÿm das swert oder zeuch ÿn von dem ross

Item als vor häw im gerad zum kopf ein ober haw

Item gee auf von dem lincken arm~ / vnd hau im ab den hals mit der twer oder begreif im den hals mit der rechten hant / vnd würff ÿn -

Das ist zu° gewappenter hant

Item lass lanck hangen / vnd greif in das kurz swert / vnd vorsetz für deiner hant vnd stich ÿn wo dw magst -

Item als vor / vnd far im vmb den hals besunder vorsetz von dir lanck -

Item gee auf mit dem knopf / vnd vorsetz mit dem venster / vnd greif in das halbswert / vnd wechsel die hinder hant foren / vnd slach ÿm zu dem hals -

99r

Item swert wider glefen vorsetz mit dem swert das dein stich jm zu° dem hals gee

Item lagt einer starck auf dich mit der glefen so vor setz mit halbem swert / vnd las do mit glaitten / vnd stich ÿm zu° dem hals -

Item nÿm swert degen von der lincken seiten / vnd die glefen linck seitñ mercke dein arbait do mit sterck -

Item wind / vnd vorsetz nÿmb von dir lanck so ist er geletzt zil hant -

Wider das versetzen am swert

Item dar nach vorplende wer dich mit vorsetzen wil schenden / An zweifel nÿm war / vnd var im pald vnder den arm~ dar -

Ab setzen zu° prechen mit der glefen

Wiltu absetzen prechen / vnd sein kunst letzen glefen zu° forne raus dar vnder nÿm ÿms an zorne / Auch magstu rangenn wenn du in hast vmbfangen

Item greift er dich an zu der seittñ vmb den hals / oder des gleichen vmb fach seinen arm~ auswendig in de püg / vnd prich von vnden auf -

Das ist ein gemaine lere zu° ross

Item fleuchstu vor ob man dich jagt / vn~ man dir hinden an setzt mit der glefen

99v

So setz ab durch arm~ / Oder würf dich vmb oder sitz mit dem ars in die krum / oder halt an dich mit dem ross durch ros ädems willen / vnd haw drein mit den sporñ so get die glefen aus lere von paiden seittñ haw stich künstiglich abgleitten -

Item stich von paiden seitten hinder sich im nach iagen / vnd iniglichen stich sitz in die krum -

Item du magst auch absetzen mit der hant / vnd mit dem degen / wenn man voren an gesetzt hat das get auch zw° mit weichen in die krüm -

Das ist aber ein lere

Merck / wenn du vechten solt zu° ross mit eine~ armprost / vnd mit eine~ swert / vnd woldest sÿ gerñ paide behalden also das du sÿ nicht von dir liest / wenn du mit eine~ arbaittest das du das ander auch behieldest -

Merck wenn du verschossen hast / vnd nicht zu° hant wider kanst kümen zu dem spannen und müst ja verdrucken / So slach dein arm~prost an den lincken arm / vnd greif zu° den swert / oder begreif das arm~prost niden peÿ der nuss mit der lincken hant zw° dem Zaum / vnd mach die also einen schilt mit dem armprost vnd arbait mit dem swert -

Wildu aber wider zu° dem spanne~ kumen

100r

So slach ##dein swert vnder dein lincke pain vnder das steickleder / vnd druck also das pain an das ros / Oder stich dein swert durch den gerñ deins rockes / vnd also magstu spannen / vnd sÿ paide behalten / vnd da mit ab / vnd zu° kumen -

foll. 100-107:Ott Jud

100v

Hÿe heben sich an die ringen die do gesatz hat maister Ott dem got genädig seÿ der hochgeborñ fürsten von österreich ringer gewesen ist.

In allen ringen sullen sein drew dingk / Das erst ist kunst / Das ander ist schnelligchait / Das dritt ist rechte anlegung der der sterck / Darvmb soltu mercken das das pest ist Schnellichait die lest nicht zu° prüche kumen / Darnach soltu mercken Das man allen chrancken sol vor ringen / vnd allen geleichen sol man mit ringen / vnd allen starcken sol man nach ringen / vnd in allen vor ringen wart der schnellichait / In allen mit ringen wart der wag / vnd un allen nach ringen wart der knÿepüg -

Das ist ein lere

Wenn dw mit einem ringen wild aus den armen / So gedenck albeg das du in fast mit deiner lincken hant in der maus seins rechten arm~s / vnd mit der rechten hant in fas auswendig seins lincken arm~s / und mit der lincken hant die du in der maus hast druck frisch zw° ruck / vnd mit der rechten hant begreif ÿin sein lincke hant foren / vnd zeuch fast zw° dir / vnd wenn du einen / also gefast hast so treib die ringen die hernach geschriben sten / welches dich am pesten dunckt -

101r

Das erst / wenn du In also gefast hast mit der lincken hant in der maus seins rechten arm~s / vnd mit der rechten hant vorñ peÿ seiner lincken / So var mit deiner lincken hant aus seine~ rechten arm~ vñ begreif ÿm vnder seinen rechten elpogen / vnd zeuch den zu° dir / vnd mit der rechten do du sein lincke hat Inn hast stos im den arm~ von dir so verrencksut im den arm -

Ein anders

Item / wenn du In gefast hast als vor so heb ÿm auf den lincken arm~ mit deiner rechten hant / vnd var jm mit dem haubt durch den arm / vnd zeuch den vber deinen hals / vnd mit der lincken begreif ÿm sein lincks pain in der knÿepüg / vnd wurf in also vber deinen ruck - Aber ein ringen aus dem erstñ fassen

Item heb ÿm auf den lincken arm~ mit der rechten hant vnd greif jm mit der lincken vnden an seinen elpogen / vnd zeuch do mit zu° dir / vnd mit dem rechten stos jm den arm~ oben von dir / vnd spring mit deine~ lincken fuess hinder seinen rechten / vnd würf In aus dem fuess über dein lincks pain -

Aber ein ringen aus dem ersten vassen

101v

Item halt in fest mit der lincken hant sein rechte / vnd greif mit der lincken hant deiner rechten zu° hilf / vnd halt sein arm~ fest mit paiden henden / vnd wendt dich durch sein arm~ auf sein rechte seitten so gewingstu jm den ruck an / oder wendt dich durch auf dein lincke seitten -

Ein anders

Item hald im sein lincke hant fest mit paiden henden / vnd wendt dich durch sein arm~ auf sein lincke seitten / vnd zeuch jm den lincken arm~ vber dein rechte achsel / vnd prich undersich -

Also prich das durch wenden

Item wer dir durch get do ge mit durch / vnd fall in ein ringen In welches du wils -

Merck das stuck pricht alle ringen die von ersten an geschriben sten

Item / wenn dir einer hat gefast dein lincke hant mit seiner rechten / vnd wil mit seiner lincken vnden durch greiffen an deinen elpogen / vnd wil dir den vor rencken / oder wil seiner rechten hant zu° hilff chumen / vnd sich durch den arm~ wenden / So merck die weil er mit der lincken der rechten zu° hilff greifft / oder do mit nach dem elpogen greift in dem selben so var jm mit deine~ rechten arm~ über sein lincken in sein rechte seitten / vnd fas in in der wüst / vnd spring mit dem rechten fuess hinder sein lincken / vnd würff

102r

In aus dem fuess vber dein rechtz pain -

Aber ein ringen

Item greift dich ainer an oben in die arm~ mit sterck / vnd helt dich vest / vnd wil dich dringen / So far mit deinem rechten arm~ aussen vber sein lincken vorñ peÿ seiner hant / vnd begreif mit deiner lincken hant dein rechte / vnd druck mit paiden henden sein hant fast an dein prust

Merck hat er dÿ hant zu° an deiner prust so spring mit dem rechten fuess hinder sein lincken / vnd greif im mit deiner lincken hant in die knÿepüg seines lincken fuess / vnd heb do mit auf / vnd mit der rechten hant stos in oben von dir so felt er -

Ein anders

Merck / wenn du jm mit deinen paiden henden sein hant vorñ an dein prust druckst / helt er denn die hant offen / vnd reckt die finger So begreif In peÿ den fingerñ mit deiner lincken hant / vnd heb vbersich auf dein lincke seitten / vnd mit der rechten hant nÿm jm das gewicht peÿ dem elpogen -

Aber ein ringen

Wenn du mit eine~ ringen wild helt er dich denn los in den armen / So greiff mit deiner lincken hant oben vber sein rechte / vnd begreif sein lincke hant peÿ

102v

den fingern / oder sunst / vnd heb auf dein lincken / vnd mit der rechten nÿm ÿm das gewicht peÿ seine~ elpogen -

Also prich das

Wer dir das tu°t vnd dir mit der lincken hant nach den fingern greift / vnd wil dir mit der rechten das gewicht neme~ dem far mit deiner rechten hant vnder seinem lincken arm~ vmb den leip / vnd spring mit dem rechten fuess für sein pede fuess / vnd würf In also vber dein rechte hüf -

Oder prich es also

Wenn er dir mit der lincken hant dein lincke begriffen hat / vnd wil dir mit der rechten das gewicht nemen / So senck dich nÿder / vnd var jm mit dem lincken elpogen in die wüst / vnd spring mit dem lincken fuess hinder sein rechten / vnd begreif ÿm sein rechten fues mit der rechten hant in der knÿepüg / vnd zeuch do mit zu° dir / vnd mit der lincken stos in oben von dir so felt er -

Ein anders

Merck / wenn dir einer begreift dein lincke hant mit seiner lincken / vnd nÿmpt dir mit der rechten das gewicht / Stößt er dir denn den lincken elpogen hoch auf / So wendt dich mit dein haubt do durch / vnd var jm mit dem rechten arm in sein lincke wüst / vnd spring mit dem

103r

rechten fuess hinder sein rechten vnd würf in vber die recht hüf / Oder begreif in mit der rechten hant ein pain in dem durchwenden vnd ruck in nach dir -

Aber ein ringen

Item wenn dich einer gefast hat peÿ den armen vnd du In wider / helt er dich denn los / So slach ÿm sein lincken arm~ aus mit deiner rechten hant von oben nÿder / vnd begreif im do mit sein lincks pain in der knÿepüg / vnd zeuch zu° dir / vnd mit der lincken hant stos In vorñ an die prust an seiner lincken seitten so mües er vallen - Also prich das

Merck wenn dir einer greift mit der lincken hant vorñ an dein prust so begreif ÿm sein lincke hant mit deiner lincken / vnd nÿm jm das gewicht peÿ dem elpogen mit der rechten / Oder stos jm mit deiner rechten hant seinen lincken elpogen slecht vber sich aus / vnd wendt In also von dir -

Aber ein ringen

Wenn du dich mit eine~ gefaßt hast peÿ den armen helt er dich denn los / So slach sein rechte hant aus mit deiner lincken von oben nÿder / vnd var jm do mit vnden durch sein rechtn arm~

103v

vnd begreif In hinden / vnd halt In fest vñ zeuch zu° dir / vnd mit der rechten hant begreif in auswendig in sein rechte knÿepüg so würfstu In auf sie linck seittñ das get zu° paiden seitten -

Das ist ein leip ringen

Wenn du dich mit eine~ gefaßt hast das dw die ein hant vnder seine~ arm~ hast / vnd die ander oben vnd er dich auch also / Ist er denn starck / vnd druckt dich zu° ÿm so setz ÿm den elpogen an der hant die du oben hast an die kel vnd druck in do mit vast so mues er dich lassen -

Ein ander pruch

Merck wenn dich einer hat gefast vnder den arm~ vnd druckt dich fast zu° jm so prich dich also von ÿm / greif ÿm mit paiden daumen in die augen / oder vnder sein kinpacken oder in sein kel so mues er sich lassen -

Aber ein leip ringen

Hastu dich mit einem gefast das du ein hant vnden hast / vnd die ander oben / vnd er dich auch also / So far jm mit dem arm~ den du oben hast vnder seine~ kinpacken an den hals vnd stos in fast von dir / vnd mit der hant die du vnden hast begreif ÿm ein pain in der knÿepüg

104r

vnd zeuch do mit zu° dir so wirt er geworfen -

Item ob dir einer das stuck prechen wil vnd wil dir das gewicht nemen peÿ dem elpogen so senck den selben elpogen / vnd druck ÿm den in die seitten / vnd mit der andern hant begreif ÿm ein pain in der knÿepüg vnd würf ÿn -

Aber ein leip ringen

Hastu dich mit einem gefaßt als vor geschriben stet helt er dich denn los so wechsel die hant die dw vnden hast im auf die ander seitten auswendig in sein knÿepüg / vnd heb do mit auf vnd mit der hant die du oben hast far jm für den hals vnd stos in do mit oben von dir so felt er -

Aber ein leip ringen

Hastu dich mit einem gefast das du die ein hant vnden hast vnd die ander oben vnd er dich auch also / so var ÿm mit dem arm~ den du vnden hast von vnden auf auswendig oben vber den arm~ den er oben hat / vnd chum~ mit der andern hant deiner oberñ hant zu° hilf / vnd wendt dich von ÿm so felt er vnd das ist gut -

Ein pruch wider das schrencken

Merck wenn dich einer gefast hat in den armen / vnd du in wider / hastu denn

104v

den lincken fues vor gesetzt / vnd ist er denn also gescheid / vnd schreitt dir mit seinem rechten fuess auswendig hinder den lincken / vnd wil dich peÿ den armen dar über rucken so zuck den lincken fues frisch hinder dich auf zu° ruck / vnd fass jm do mit sein rechten fues / vnd stos in oben für die prust so felt er -

Aber ein ringen

Ob dich einer ferner hinden begreift vber dein achselñ so var vber mit deinem arm~ in die püg seins elpogens an der seitten do der fues vor stet / vnd mit der anderñ hant hilf zu° dir drucken auf die seitten außwendig geriden / vnd hald jm den arm~ mit der ain hant / vnd mit der anderñ greif im in die drossel / vnd mit dem fuess in die knÿepüg seins aufgesetztñ fuess zu° dir gespart mit der fersen -

Aber ein ringen

Schlach aus mit deiner rechten hannt sein lincke / vnd begreif jm die finger seiner rechten hant / vnd mit der lincken sein rechten arm~ über sich geslagen voren gefast / vnd zu° ruck geworfen vber dien lincks pain -

Aber ein ringen

Schlach aus mit deiner rechten hant sein lincke / vnd var im mit der rechten

105r

zwischen die pein vorñ durch / vnd vass in hinden peÿ der joppen oder auf den arm~ / vnd heb in also auf vnd stos in oben mit der lincken hant von dir so felt er hinder sich auf den kopf -

Also prich das

Wenn dir einer mit seiner rechten hant zwischen deinen peinen peÿ der Joppen durch fert / vnd fast dich hinden peÿ der Joppen so puck dich mit dem haubt gegen ÿm / vnd far von aussen vnden durch sein rechten arm~ mit deinen paiden armen / vnd heb do mit vbersich so mag er dich nicht gewerfen -

Aber ein ringen

Ob dir einer mit paiden henden g begriffen peÿ deiner lincken hant vnd wolt dich rucken auf sein rechte seitten so las dein rechte hant von oben durch vber sein lincken arm~ / vnd far do mit / vnd fass in in seiner rechten seitten mit der rechten hant / vnd mit der lincken fal ÿm in ein knÿepüg -

Aber ein ringen

Fast dich einer vorn peÿ der prust mit paiden henden / so far oben vber mit der rechten hant vber sein lincke / vnd twing jm die / vnd mit der lincken hant an sein rechten elpogen / vnd schre~ck mit dem

105v

lincken fuess -

Ein pruch wider schrancken

Wenn dir einer schrencken wil mit der rechten hant dem schrenck mit der linckñ

Aber ein ringen

Slach aus mit paiden henden / vnd fall ÿm mit paiden henden in sein paide knÿepüg / vnd zeuch zu° dir / vnd stos in mit dem haubt oben für die prust so feltt er -

Also prich das

Fass in oben peÿ dem hals vnder dem vchsen / vnd leg dich vast oben auf in / vnd trit wol zu° ruck mit den fuessen dar vmb das er dir kainen begreiff so druckstu in zu° der erden -

Aber ein ringen

Ob er den rechten fues vor setzt so zeuch in mit der lincken hant peÿ seiner rechten / vnd slach in mit dem lincken fuess nÿden an den enckel seins rechten fuess / vnd ruck in also nÿder / Oder fall im mit der rechtñ hant mit aus slachen des fuess in die kel / vnd druck in über ruck -

Aber ein ringen

Helt dich einer los peÿ den armen / so greif mit deiner lincken hant nach seiner rechten / vnd begreif ÿn peÿ den fingerñ / vnd hald in fest / vnd slach auf mit deiner rechten / vnd far im durch vnder seine~ rechtñ arm~

106r

vnd fach in In der wüst / vnd mit der lincken in einer knÿepüg -

Aber ein ringen

Fast dich einer hinden peÿ der gurtel so senck dich nÿder / vnd wenn er dich erhebt so drä dich vmb vnder jm / vnd würf in vber schranck

Aber ein ringen

Gee mit der rechten hant durch / vnd fach in oberhalb der hüff in der waich / vnd far mit der lincken hant / oben über sein rechte achsel / vnd fach dein rechte hant jm gelenck / vnd halt die fest / vnd heb in auf / vnd mit deine~ rechten knÿe erheb ÿm sein lincks knÿe / vnd würf in für dich -

Aber ein ringen

Begreiff ÿm sein rechte hant mit paidñ henden / vnd ruck in auf dein rechte seittñ / vnd schreit mit deine~ rechten fuess hinder seinen rechten / vnd far im mit dem rechtñ arm~ in sein lincke seitten / vnd würf In vber dein rechte hüf

Aber ein ringen

Wenn dir einer mit seinen paiden armen fert vnder dein paide arm~ / So far von oben nÿder mit deinen armen aussen vnder sein elpogen / vnd schleus dein arm~ zu° samen vnder seinen elpogen / vnd heb mit sterck übersich / vnd prich im die arm~ / Auch magstu im fallen in die kel wenn er die arm~ vnden hat / vnd zu° ruck druckñ

106v

Aber ein ringen

Wenn du vnden pist mit den armen / So magstu in oben fassen peÿ der kel / oder peÿ den kinpacken / vnd ÿm den hals wol über den ruck prechen / oder du muest wol mit deinen armen durch sein arm~ farñ -

Aber ein ringen

Pistu mit dem lincken arm~ vnden so fal ÿm mit dem rechten in die kel / vnd schreit mit dem lincken fuess hinder sein rechten vñ druck in peÿ dem hals dar über -

Item würf in aus dem fuess zu° paiden seittñ

Aber ein ringen

Wenn du eine~ mit paiden armen durch sein arm~ gefarñ pist / vñ ist er also gering das du in wol erhebñ magst su fass in in der mitt / vnd schleus dein hend fast zu same~ vñ heb in auf dein lincke seittñ / vnd drä dich mit ÿm vmb / vnd weñ du dich mit im eins vmb gedrät hast so stos in nÿder auf die knÿe / vnd prich ÿm den ruck zu dir -

Also prich das

Wenn dich einer zu° im druckt so setz ÿm den elpogen an die kel / oder an die prust / vnd druck in von dir zabe / vnd das dein lincker fues zu° ruck stee -

Aber ein ringen

Item wenn dir einer mit seine~ haubt durch den arm~ farñ wil / vnd wil dich vber sein ruck werffen fach in mit dem selbigen arm~ peÿ dem hals / vnd druck in fast zw° dir

107r

und leg dich mit der prust oben auf in / vnd swär dich nÿder -

Aber ein ringen

Item ob dich einer hinden begreift / wenn du jm hast den ruck zu° gewant vnd het dich gefast in sein arm~ vnd oben vber sein arm~ so puck dich behendiglich fur dich / vnd würf in über das haubt / Oder fach in nÿden mit einer hant peÿ eine~ pain -

Aber ein ringen

Item hat er dich aber hinden gefast / vnd hat seinen arm~ vndter deinen arm / vnd hat er die hendt offen / So begreif in peÿ einem finger so mues er dich lassen gen -

Item ob dich einer weñ peÿ dem goller fast mit einer hant vnd helt dich fest so wendt dich vnden durch sein arm~ mit dem haupt so lest er dich / Oder magstu jm den den daume~ begreiffen das ist auch gu°t -

Item fast dich einer hinden peÿ dem goller so went dich gegen im mit dem haupt vnden durch sein arm~ so wirstu ledig -

Item ob dich einer fast mit paiden henden für der prust so stos jm den rechtñ elpogen auf vnd drä dich vmb durch vnd vach In in der wüst -

Aber ein ringen

Wenn du einen hast gefast mit deiner lincken hant in der maus seins rechten arm~s / vnd druckst in do mit zu° ruck felt er dir denn vber mit dem rechtñ arm von aussen vber dein lincke hant / vnd druckt dir dein hant fast an sein prust / so far jm mit dem selben

107v

elpogen in sein rechte seitten vnd senck dich nÿder vnd spring mit dem lincken fuess hinder sein rechten vnd greif im mit der rechten hant in sein knÿpüg vnd wirf in für dir nÿder.

foll. 108-113: Peter von Danzig

108r

Hÿe hebt sich an die glos und die auslegung der kunst des kampffechtens die do geticht und gemacht hat Peter von Danckgs zu Ingelstat / über den text den do hat gesatzt / Johannes Liechtenawer mit verporgen / und verdackten worten / und hat das getan das die selbigen wort ÿeder man dester pas versten sol -

Das ist der text

Wer absÿnet fechtens zu fuess begÿnnet der schick sein sper zwaÿ sten jm an heben recht were/ Glosa / merck das ist das du dich schicken solt ritterlich mit geleichter were das du deine veint chain vortail geben noch ubersehen solt lassen -

Das ist der text

Sper und ort den vorstich stich an voricht

Glosa / merck das ist wenn du dich hast recht gesetzt / oder geschickt mit deinem sper zuzuschiessen / So scheus den vorschus an alle sarg / Trifstu so volg pald dem schuss nach / Also tue auch / ob du wilt stechen / und nicht schiessen / Nu merck in trifstu nicht recht die plöss mit dem schiessen / oder stechen so fall nicht in dem sper das du dich nicht gebst aus der wag / und er dich nyder werf sunder greif zum swert -

Das ist der text

Spring wind setz recht an wert er zuck das gesigt jm an

Glosa merck das ist

108v

wiltu pleiben / und arbaitten mit der langen were / oder mit dem sper nach dem stich / und nicht wil vor schiessen das sper / So pis rasch und spring / und stich mit künsten / und als pald du hast an gesetzt in sein gesicht oder under sein uchsen / oder in sein hantschuech Inwendig oder wo du ein plös hast gefunden so wind dein sper under dein uchsen / und druck für sich ob du jm magst die seitten an gewinnen sich magstu In stechen durch sein fuess welicher das seÿ / oder durch sein fus zuck dein sper nicht untz das er sich ergeb / und such kain ander vortail du magst in denn haben gar gewis an allen zweifel / wert er aber dein an setzen deins ortz wo die ansatzung sey als vorgeschriben ist / So zuck dein sper / und setz ÿm wider an wo du magst an die / oder an der plös mit kunst / und arbait mit dem ort / oder such auf die ringen als hernach geschriben stet / und wenn er sticht so spring auf ein seitten aus dem sper -

Das ist der text

Wiltu vor stechen mit zucken ler wer prechen / Glosa merck das ist / Ist das du stichst felst / und in nicht hast getroffen das jm schädlich seÿ / und frum dir pringen mag / So zuck dein sper / und stich wider / und wart In auf sein leip mit

109r

deinen ringen als hernach stet geschriben / Es ist zu wissen das / das zucken zu get also / Nÿm dein sper in ped hend in aller mass als das halb swert das die daumen zu samen sten / und wenn du wild zucken so zeuch das sper mit der rechten hant hindersich / und mit linden fulen dein sper gen lest in der dencken hant / Hastu denn unden gestochen einen langen freÿen stich zu den henden oder anders wo wo es sey so stich mit zucken jm zu dem fisir oben - Item du magst auch zucken unden durch an sein sper / oder wechseln / und wider an setzen ye zu der ploss / und wider an setzen nicht anders -

Das ist der text

Merck wil er zyehen von schaiden und wil er fliehen So soltu jm nahen zu weislich wartes fachen / Glosa / merck das ist das wenn du jm zuckest und jm sein kunst und stuck zu nicht machst / und In nicht lest kumen zu schlegen oder zu stichen / und jm sein were zu lanck / und zu kurtz worden ist / und mit seinen henden dein ort aus wil reissen von der seitten do du jm hast angesetzt / oder chihen / oder wil zu dem swert / oder degen greiffen das sein / und wild fliechen

109v

oder tretten hinder sich / So soltu jm nach volgen nach seinem verloren gewicht mit deiner kurtzen / oder langen were was dich das pest gedunckt / Also wiltu In fachen oder werfen weislich / und pald so pleib peÿ der kurtzen were / und nicht peÿ der langen so hastu denn die vorgreiffen zu seinem leib das pricht sein sterck -

Das ist der text

Ob du wilt ringen hinder pain recht lere springen Rigel für schiessen das vor pain kunstlich schiessen von paiden henden ob du mit kunst gerest wenden / Glosa / merck das ist / und sind ringen die du treiben / und suechen soldest jm kampf das erst ist hinder pain zu springen / oder jm rasch hinder sein ruck zu tretten mit deinem rechten fuess hinder sein lincks pain / oder seiten so dauch unden mit deinem rechten knÿe sein linck knÿepug / und nahen / jm fast mit deinem leib / und oben mit der rechten hant zeuch auch zu ruck / Also das das knÿe unden / und die hant oben mit ein ander gee mit dem zÿehen / und dauchen /

Item du magst auch hinder ruck springen oder tretten mit schnelligkait / und mit deinem knÿe in sein ruck gesetzt / und druck von dir / und oben peÿ seiner hauben gezogen zu dir hutt dich aber das er dein knÿe / oder pein nicht begreiff / und sich

110r

umb drät / Dar umd ist es pesser vermiten wenn es hat vil pruch -

Item das ander ringen / Ist der rigel für schiessen fur einen oder paide pain / und von paiden seitten ist es albeg gut / und gewis / also siech welches pain er vor gesetzt hat das selb setz / jm auch für fur einen rigel / Ist das er setzt für das recht pain so nah im nach / und setz dein rechte schieb wol stee an seiner rechten scheiben - / Doch vor allen sachen so müstu vor begreiffen sein rechte hant in der wag jm gelenck mit deiner lincken / und dein rechte hat auswendig in der püg zu dir mit deiner rechten hant / oder mit deinen rechten arm~ von unden auf dein hant seÿ / und dein armen oben seÿ so zeuch oben den armen zu dir / und dauch mit deinem rigel unden von dir / und würf In auf dein rechte seitten auf das maul / oder armen prich

Item das dritt ringen ist das vor pain kunstigklich schliessen / Also merck auf sein pain das dir am nagstenn ist / wenn du in der arbait in wild werfen / und mit vortail dar zu kumen magst / So far mit deinen paiden offen painen umb sein pain das da vor stet umb sein knÿscheib mit deinen paiden scheÿben / und druck dein paidew knÿe zu samen fast / Also das sein scheÿb seins pains nicht von dir chöme

110v

und stos in oben peÿ seiner hauben / So ruck mit einer / oder mit paiden henden pricht er mit hinder rucken / oder zucken / und trit hindersich folg ÿm nach und gewin jm an die ander seitt -

Das ist der text

Ob sich vor ruckt das swert gegen sper wirt gezuckt der stich In war nÿm spring vach ringes eil zu jm linck lanck von hant slach spring weislich und denn vach und druck Ob er wil zuchen von schaiden vach und druck In das er die plöss mit swertes ort verdröss / Glosa merck das ist hastu ein swert / und er ein sper / und er auf dich sticht mit dem sper / und dich uber lengen wil / und sticht einen langen freÿen stich zu deinem leib / So nÿm war wenn er sticht so spring weislich / und rasch aus dem stich des spers / und begreif in und würf in mit dem vorgeschriben ringen / ee er wider sticht / Hastu aber kein were In deinen henden / So streich ab mit lerer hend als / jm ross vechten geschriben stet / Hastu aber ein swert so streich von der lincken seitten zu seinem sper / und als pald du sein sper trifst / und dir nicht zuckt / oder zucken mag / Also wenn er sticht / und du wol trifst zu jm gesprungen oder getreten hast so vach / oder begreif in mit vernünft

111r

und würf / wil er aber zucken swert oder degen / und wil das sper fallen lassen / So lüg auf den degen / oder messer oder swert zÿehen / Ee er zeucht / und lass in nicht dar zu chummen / Sunder begreif jm voren sein hant / oder sein leip / und druck in dar nÿder mit kunsten als vor geschriben ist jm ringen / und du jm nahent zu chumpst so mag er dir kainen schaden zu zÿehen mit seinem swert weder mit ansetzen / weder mit slachen mit dem klos / wenn ir seit pald zu nahent an ein ander das er nicht mag dar zu chömen -

Das ist der text

Leder und handschuech under augen die plössen recht suech verpotne ringen weislich zu lere pringen zu schiessen finde die starcken do mit uberwinde / Glosa / merck das ist / und sind die plöss die du suechen solt jm fechten / oder wenn du In geworffen hast / und sein mächtig pist also du solt jm stechen unden zu dem hantschuech / oder stich jm under sein üchsen / oder stich zu allen pauchflecken / und huett dich das du zu nider nicht stichst als zu den hoden / anders er uberlauft dich / und wirft dich auch -

111v

Merck hastu recht an gesetzt den ort unden in sein hantschuech / oder zum leder / und merckest das du hafst und er plutt vom stich / oder nicht so ring nicht / Sunder druck in mit deinem ort von dir zum krais untz er sich ergeit das selb setzt du jm recht an in sein visir zuck nicht dein ort die weil du magst / und wenn ers prechen wil mit seinen stucken so prichs / und ring / und volg jm albeg / und fleuch nicht von jm / und uber gib jm nicht oder vor gewinnen vortail mit der ploss - / Merck eben ist das du jm mit deiner were also chumen pist In sein plöss under den hantschuch / und In also auf sperrest / und die seitt also gewinnen hast deinem veint / In ringen wilt oder müest / So wart der nagsten seitten do begreif jm sein pain mit deinen paiden henden / also fur mit deiner ainen hant voren durch sein paide pain / und chum ir zu hilff mit deiner anderen hant hinden hoch pey seinem archs / und schleus dein paide hendt in ein ander heb / und würf in pald auf sein seitten / und puck dich nicht nyder mit dem haubt in dem ringen sunder prüst dich auf foren / und senck dich mit [crossed] nider mit dem arch / und das haubt hindersich / Ist es not das emphinstu wol an seiner leng oder kürtz

[112 r ]

Oder würf in mit dem vor geschriben ringen / also suech deine vortail geleicher weis in allen plössen die / oder ander nach deiner vernünft -

Das ist der text

In aller ler den ort gegen der plöss ker / Glosa / merck das ist das du nÿndert solt an setzen den ort denn zu der plöss / Oder do der man zu gewinnen ist / und du dich nicht vorgebst aus der wag

Das ist der text

Wo man von schaiden swert zucken sicht von in paiden do sol man stercken die schutten recht eben mercken

Glosa / merck das ist wenn Ir nu chumen seit von den spiessen / und paid swert habt so sterck dein swert also hab deins swertz hanthab mit der rechten hant / und mit der lincken hant voren das swert nahent mitten in der clingen / und gee auf den man / und süech In mit schlegen / und an setzen / Schlecht er auf dich mit seiner kloßen vor setzt mit halbem swert den schlack / und setz den ort jm wider zu den plössen zu dem visir zu der prust oder unden zu seiner voderen hant / und merck eben die schutten / wenn du an ferst mit deinem swert das du recht / und hochgenüg

112v

mit guter sterck / vor setzst das er dich nicht slach / und das du nach seinem slag den ort an mügst wider recht an gesetzt / Oder merck eben auf in wenn er tut ob er mit dem klos dich slachen wolt / und nicht schlüg / und griff zu ringen / oder zu hend stechen -

Das ist der text

Vor nach die zwaÿ dingk prüf weislich lere mit abspringk volg [crossed] allen treffen den starcken wiltu sÿ effen wert er so zuck stich wert er In zu jm ruck Aber lanck ficht so pistu kunstlich bericht/ Glosa / merck das ist das du in allen sachen albeg solt vor chumen es seÿ mit stichen mit schlegen mit ringen magstu aber nicht chumen dar zu ee denn dein feint so wart kluglich auf noch das sind die pruch auf alle sach die er ver maint / und begert zu tun und prich ÿe sein stuck jm noch ee ers vorpringt oder er gesigt dir an / Merck also wil er dich werfen / und setzt dir ein schranck so kum vor und wirf In zu ruck swingt er dich umb jm ringen so swing jm nach / und würf in jm nach swang also geleicher weis wenn ir euch zetzett umb ein swert paid / und ein yeder es haben wolt / Merck wil er dich slachen zum kopf mit seinem klos mit dem vor / So spring / oder schreit / oder trit klugklich ab dem slag

113r

auf sein seitten / und wirff In / Ist er dir aber zu starck so volg jm albeg nach in seinen sachen es sey schlahen / oder stechen mit deinem an setzen / und wenn du das tüst so mag er zu slag nicht chumen er prech dir denn dein an satz so stich auf das nach / Oder ist das er wert so zuck und setz wider an / und volg albeg mit deinem zucken jm nach / und lass In nicht aus seinem ort kumpstu aber zu vorsläg / und er dir zu starck ist so slach einen schlack nach dem anderen als oft du magst zu seiner hauben zu seinen armen zu seinen elpogen zu seinen henden zu seinen fuessen / und wo du In geschwechen magst / und ist das er lanck ficht / also das er sich langk strecht / und weit streicht / und sleg tut / So pistu vor jm sicher -

Das ist der twext

Greift er auch sterck an das schiessen gesigt jm an Mit seinem schlahenden orte Schutzt er sich trif an foricht mit paiden henden den ort zu den augen lere wenden Des voderen fuess mit schlegen du hüetten müest / Glosa / merck das ist wenn du auf dein feint zu dem kopf zu der hauben slachen wild / und er starck mit kurtzem swert mit paiden henden dir den slag vor setzen wil / so drëw jm oben mit schlachen / und pring sein swert wider

113v

zu dem stich / und stich zwischen sein paid armen von oben nÿder nahent peÿ den henden / jm gelenck / und druck nÿder mit deinem swert / das get auch zu von unden auff / Dar nach so fass mit kunst dein swert zum slag wider / und schlag an alle sarg ein grossen gewissen schlack auf dein veint mit dem schlachenden ort das ist der klos deins swertz / Ist das er vor setzt mit halbem swert und springt nach dem schlag deinen ort jm wider zu seinen augen / und hüett er nicht wol seines vorsatzten fuess mit hÿnder triten / So schlach ym zum pain zu der knÿescheib mit dem klos / und verschlach dich nicht aus der wag / anders er gewinnt dir den ruck an / und wurf dich nider hinder wärtz / oder sünst darnach und er gelernet hiet / Es ist zu wissen das du nicht mer mortschleg süllest dann einen / Es wär dann das du In treffen mügst das es

nÿder fiel oder jm ein armen / oder sünst ein namlich ledlam / oder abschlügst so schlach oder stich als vil du mügst zu wegen pringen magstu aber nicht so winf albeg dein swert wider under dein üchsen / und setz dein / ort wider an zu seinem gesicht nach ÿedem schlag / Ist das er dir zu maisterlich ist - /

Annodominimilesimoquadringentesimoquinquagesimosecundo

MHIT deo gratiaß